မဇ္ဈိမလမ်းစဉ် ( ၃ )

မဇ္ဈိမလမ်းစဉ်-( ၃ )
*************
သက္ကာယဒိဋ္ဌိ
*********
သက္ကာယ-ဟူသည် ထင်ရှားရှိသောခန္ဓာငါးပါးပင်ဖြစ်၏။

သက္ကာယဒိဋ္ဌိ-ဟူသည် ထင်ရှားရှိသော ခန္ဓာငါးပါးအ
ပေါင်း၌ မှားယွင်းသောအားဖြင့်နှလုံးသွင်းခြင်း၊မှားယွင်း
သောအားဖြင့်သုံးသပ်ခြင်း၊ပင်ဖြစ်သည်။
ပဋိသမ္ဘိဒါမဂ် ပါဠိတော် မြန်မာပြန်၌-
ရုပ်ကို-ဤရုပ်သည် ငါ၏ဥစ္စာတည်း။
ဤရုပ်သည် ငါဖြစ်၏။ဤရုပ်သည် ငါ၏ကိုယ်တည်း။
ဝေဒနာကို------
သညာကို-------
သင်္ခါရကို-------
ဝိညာဏ်ကို------ငါ၏ကိုယ်တည်းစသဖြင့်---
မှားယွင်းသောအားဖြင့်နှလုံးသွင်းခြင်း။
မှားယွင်းသောအားဖြင့် သုံးသပ်ခြင်းသည်
သက္ကာယဒိဋ္ဌိ မည်၏။

သက္ကာယဒိဋ္ဌိ ကိုပင် ငါ ဟူသော အတ္တ အစဉ်လိုက်
ပါတတ်သောကြောင့် အတ္တနုဒိဋ္ဌိ ဟုလည်းခေါ်ကြ
သေးသည်။(အတ္တ အစဉ်လိုက်သော ဒိဋ္ဌိ)

သံယုတ်ပါဠိတော် ၊နေတ္တိပါဠိတော် ၊စူဠနိဒ္ဒေသပါဠိတော်
စသည်၌ "ခန္ဓာငါးပါးကို ခန္ဓာငါးပါးဟု မရှု့မမြင် မယူ
ဆပဲ ၊ပုဂ္ဂိုလ်၊သတ္တဝါ၊လူ၊နတ်၊ဗြဟ္မာ၊ယောကျာ်း၊မိန်းမ၊
အသက်ကောင်၊သူ၊ငါ၊လောက၊စသည်တို့ဖြစ်၏။"ဟု
အထင်မှား အမြင်မှားလျှက် ရှု့မြင်ယူဆသည့် ဒိဋ္ဌိ ကို
သက္ကာယဒိဋ္ဌိ ဟုဟောတော်မူ၏။

ခန္ဓာငါးပါးနှင့်စပ်၍ သက္ကာယဒိဋ္ဌိ ( ၂၀ )
၁။ရုပ် ကို အတ္တ ဟူ၍ ရှု့၏။
၂။ရုပ် ရှိသော အတ္တ ဟူ၍ရှု့၏။
၃။အတ္တ ၌ ရုပ် ရှိ၏ ဟုရှု့၏။
၎။ရုပ် ၌ အတ္တ ရှိ၏ ဟုရှု့၏။

၅။ဝေဒနာ ကို အတ္တ ဟူ၍ရှု့၏။
၆။ဝေဒနာ ရှိသော အတ္တ ဟူ၍ရှု့၏။
၇။အတ္တ ၌ ဝေဒနာ ရှိ၏ဟုရှု့၏။
၈။ဝေဒနာ ၌ အတ္တ ရှိ၏ဟုရှု့၏။

၉။သညာ ကို အတ္တ ဟူ၍ရှု့၏။
၁၀။သညာ ရှိသော အတ္တ ဟူ၍ရှု့၏။
၁၁။အတ္တ ၌ သညာ ရှိ၏ဟုရှု့၏။
၁၂။သညာ ၌ အတ္တ ရှိ၏ဟုရှု့၏။

၁၃။သင်္ခါရ ကို အတ္တ ဟူ၍ရှု့၏။
၁၄။သင်္ခါရ ရှိသော အတ္တ ဟူ၍ရှု့၏။
၁၅။အတ္တ ၌ သင်္ခါရ ရှိ၏ဟုရှု့၏။
၁၆။သင်္ခါရ ၌ အတ္တ ရှိ၏ဟုရှု့၏။

၁၇။ဝိညာဏ် ကို အတ္တ ဟူ၍ရှု့၏။
၁၈။ဝိညာဏ် ရှိသော အတ္တ ဟူ၍ရှု့၏။
၁၉။အတ္တ ၌ ဝိညာဏ် ရှိ၏ဟုရှု့၏။
၂၀။ဝိညာဏ် ၌ အတ္တ ရှိ၏ဟုရှု့၏။

၁။ရုပ် ကို အတ္တ ဟူ၍ရှု့၏။ဆိုရာ၌ ရုပ်နှင့်အတ္တ မခွဲ
ခြားပဲ တစ်ခုတည်း ဟုစွဲလန်းမှတ်ယူခြင်းဖြစ်၏။
မီးတောက်နှင့်အလင်းရောင် မခွဲခြားပဲ မီးတောက်
သည်ပင် အလင်းရောင် ဟုယူဆခြင်းမျိုးဖြစ်၏။

၂။ရုပ် ရှိသော အတ္တ ဟူ၍ရှု့၏။ဆိုရာ၌ ရုပ်နှင့်အတ္တ
ခွဲခြား၍ စွဲလန်းမှတ်ယူခြင်းဖြစ်၏။
အရိပ်ရှိသောသစ်ပင် ဟူ၍ဆိုရာ၌ အရိပ်တခြားသစ်
ပင်တခြား ဟုယူဆခြင်းမျိုးဖြစ်၏။

၃။အတ္တ ၌ ရုပ် ရှိ၏ ဟုရှု့၏။ဆိုရာ၌ အတ္တတခြားရုပ်
တခြား ဟုစွဲလန်းမှတ်ယူခြင်းဖြစ်၏။
ပန်း၌အနံ့ရှိ၏ ဟုဆိုရာ၌ ပန်းသည် အနံ့၏တည်ရာ
ဖြစ်သည် ဟုယူဆခြင်းမျိုးဖြစ်၏။

၎။ရုပ် ၌ အတ္တ ရှိ၏ ဟုရှု့၏။ဆိုရာ၌ ရုပ်တခြားအတ္တ
တခြား ဟုစွဲလန်းမှတ်ယူခြင်းဖြစ်၏။
ပတ္တမြားကြုတ်၌ပတ္တမြားရှိ၏ ဟုဆိုရာ၌ ကြုတ်သည်
ပတ္တမြား၏ တည်ရာဖြစ်သည် ဟုယူဆခြင်းမျိုးဖြစ်၏။

ဝေဒနာ အစရှိသည်တို့၌လည်း ဤအတူပင် စွဲလန်း
မှတ်ယူခြင်းဖြစ်၏။ဤကားသက္ကာယဒိဋ္ဌိနှစ်ဆယ်၏
သဘောအဓိပ္ပါယ်များဖြစ်ပါသည်။

ဤဆိုခဲ့ပြီးသော သက္ကာယဒိဋ္ဌိ ခေါ် အတ္တ စွဲလန်းမှု့
မပျောက်သမျှ မဂ် ဖိုလ် သို့မရောက်နှိုင်ပေ။
ထိုသက္ကာယဒိဋ္ဌိ သည် မိစ္ဆာဒိဋ္ဌိ အားလုံး၏ အစမူလ
ပင်ဖြစ်သည်။မိစ္ဆာဒိဋ္ဌိတို့၏ ရေခံမြေခံသဖွယ်ဖြစ်၏။

သက္ကာယဒိဋ္ဌိ ခေါ် အတ္တ စွဲလန်းမှု့သည် အပါယ်သို့
ကျစေနှိုင်သော အပြစ်မျိုးမဟုတ်သလို နတ်ရွာသုဂတိ
ကိုလည်း မတားဆီးနှိုင်ပေ။သို့သော် သက္ကာယဒိဋ္ဌိခေါ်
အတ္တအစွဲအလန်း မိမိသန္တာန်မှာယူဆစွဲလန်းလာပါက
အဖန်ဖန်မှားယွင်းစွာနှလုံးသွင်း၍သုံးသပ်မိလျှင်နောက်
ဆက်တွဲအနေဖြင့် အလွန်ဆိုးရွားသော ဥစ္ဆေဒဒိဋ္ဌိနှင့်
သဿတဒိဋ္ဌိတို့ကိုဖြစ်ပွားစေလျှက် အပါယ်ငရဲသို့
လည်းကျရောက်နှိုင်စရာရှိသဖြင့်အထူးသတိပြုဆင်
ခြင်အပ်ပေသည်။

သက္ကာယဒိဋ္ဌိ နှင့်ပါတ်သက်၍ သတိပေးချက်အဖြစ်
သဂါထာဝဂ္ဂ သံယုတ်ပါဠိတော် ဝါသုဒတ္တ သုတ်တွင်

သတ္တိယာ ဝိယ သြမဋ္ဌော ၊ဒယှမာနောဝ မတ္တကေ၊
သက္ကာယဒိဋ္ဌိံ ပဟာနာယ ၊သတော ဘိက္ခု ပရိဗ္ဗဇေ။

လှံမဖြင့် အထက်မှနှိပ်၍ အထိုးခံနေရသောသူသည်
စူးဝင်နေသော ထိုလှံမကိုပယ်နှုတ်ရန် အပူတပြင်း
အားထုတ်ရာသကဲ့သို့လည်းကောင်း ၊ဦးခေါင်း၌ မီးစွဲ
လောင်နေသောသူသည် မီးကိုငြိမ်းသတ်ရန် အဆော
တလျှင် ပြုလုပ်ဆောင်ရွက်ရာသကဲ့သို့လည်းကောင်း၊
သံသရာဘေးကိုရှု့မြင်တတ်သောပုဂ္ဂိုလ်သည် ပရမတ္ထ
အားဖြင့် ထင်ရှားရှိနေသော ခန္ဓာငါးပါးအပေါ်၌ မှား
ယွင်းစွာသုံးသပ်၍ စွဲလန်းတတ်သော အထင်မှားမှု့
( သက္ကာယဒိဋ္ဌိ )ကို ပယ်နှုတ်ရန် သတိပညာနှင့်ပြည့်
စုံသည်ဖြစ်၍ အဆောတလျှင် အားထုတ်ကျင့်ကြံရ
မည်။ဟုဟောတော်မူလေသည် ။

သက္ကာယဒိဋ္ဌိ ပယ်နှုတ်ရန် နည်းမှန်လမ်းမှန်အဖြစ်သိ
ရှိကြရမည်မှာ---
၁။သက္ကာယအဖို့အစုများ
၂။သက္ကာယဖြစ်ကြောင်းတရားများ
၃။သက္ကာယချုပ်ရာနေရာ
၎။သက္ကာယချုပ်ကြောင်းအကျင့်များ
စသည်တို့ဖြစ်ကြပါသည်။

၁။သက္ကာယအဖို့အစုဆိုသည်မှာ
ဥပါဒါနက္ခန္ဓာ ငါးမျိုးကိုဆိုလိုပါသည်။အကျယ်ကို
ဆင်ခြင်လေ။

၂။သက္ကာယဖြစ်ကြောင်းတရားများဆိုသည်မှာ
ကာမ၌တပ်မက်သော-ကာမတဏှာ
ဘဝ၌တပ်မက်သော-ဘဝတဏှာ
ဘဝပြတ်ခြင်း၌တပ်မက်သော-ဝိဘဝတဏှာ
ထိုထိုအာရုံထိုထိုဘဝ၌နှစ်သက်သောတဏှာ-
တို့သည် သက္ကာယဖြစ်ကြောင်းတရားများဖြစ်ကြ၏။

၃။သက္ကာယချုပ်ရာနေရာ အဖို့အစုဆိုသည်မှာ
ဤတဏှာ၏ အကြွင်းမရှိကင်းပြတ်ချုပ်ငြိမ်းမှု့စွန့်မှု့
မကပ်ငြိမှု့လွတ်မြောက်မှု့မတွယ်တာမှု့တို့ဖြစ်၏။

၎။သက္ကာယချုပ်ကြောင်းအကျင့်များ ဆိုသည်မှာ
သမ္မာဒိဋ္ဌိ။သမ္မာသင်္ကပ္ပ။သမ္မာဝါစာ။သမ္မာကမ္မန္တ။
သမ္မာအာဇီဝ။သမ္မာဝါယာမ။သမ္မာသတိ။သမ္မာသမာဓိ။
ဟူသော အင်္ဂါရှစ်ပါးရှိသော အရိယာမဂ်ပင်ဖြစ်၏။

မဇ္ဈိမပဋိပဒါ ( ၂ )

မဇ္ဈိမခရီးစဉ် ( ၂ )
************
ဒိဋ္ဌိ
***
ဒိဋ္ဌိ သဒ္ဒါသည် သူ့ချည်းသက်သက်ဆို လျှင်---
"အယူ ။ အမြင်" ဟုသာ သာမည(သာမန်)အနက်
မြန်မာပြန်ဆိုမှု့ပြုရသည် ။

ဒိဋ္ဌိသဒ္ဒါသည်။အယူ။အမြင်။ဒိဋ္ဌိစေတသိက်။ရှု့သိ
မြင်ခြင်း။အထင်အမြင်။ရှု့မြင်တတ်ကြောင်းမျက်လုံး။
မြင်ခြင်း။ကြည့်ရှု့ခြင်း။သိခြင်း။စိစစ်ခြင်း။စသဖြင့်အ
နက်များစွာကိုဟောနှိုင်သော်လည်း----

၁။အယူမှား အမြင်မှား မိစ္ဆာဒိဋ္ဌိ ။
၂။အယူမှန် အမြင်မှန် သမ္မာဒိဋ္ဌိ ။
ဟူ၍နှစ်မျိုးသာ ရှိပေသည် ။အယူမှန် အမြင်မှန်
သမ္မာဒိဋ္ဌိကို ကုသိုလ်အရာ၌ ရအပ်၍ အယူမှား
အမြင်မှား မိစ္ဆာဒိဋ္ဌိကို အကုသိုလ်အရာ၌ရအပ်၏။

မှားသောအယူအကြောင်းကို လေ့လာမည်ဖြစ်သ
ဖြင့် "ဒိဋ္ဌိ" ဟုသီးခြားဖော်ပြမှု့ကို "မှားသောအယူ"
ဟုသာ ဆိုလိုပါသည် ။ဒိဋ္ဌိနှင့်ပါတ်သက်၍ များပြား
သော သိမှတ်ဖွယ်ရာ လေ့လာစရာ ရှိသော်လည်း
ဤ၌ နားလည်ရုံ အကျဉ်းမျှကိုသာဆိုပါမည် ။

( ၁ )
မိစ္ဆာဒိဋ္ဌိမှန်သမျှသက္ကာယဒိဋ္ဌိမှပေါက်ဖွားလာခြင်း
သာဖြစ်ပါသည် ။လောက၌ ရှိရှိသမျှသော မိစ္ဆာဒိဋ္ဌိ
အယူမှန်သမျှသည် သက္ကာယဒိဋ္ဌိလျှင်အမွန်အစရှိ
ကြကုန်၏ ။ပုထုဇဉ်သတ္တဝါမှန်သမျှသည် ထင်ရှား
ရှိသော ခန္ဓာငါးပါး အပေါင်း၌ မှားသောအားဖြင့်နှလုံး
သွင်းခြင်း မှားသေားအားဖြင့်သုံးသပ်ခြင်း ကြောင့်
သက္ကာယဒိဋ္ဌိသည် ဖြစ်ပွားလာပေသည် ။
( ၂ )
ဒိဋ္ဌိအားလုံးအကျဉ်ချုံး၍ရေတွက်လျှင် သဿတဒိဋ္ဌိ
နှင့် ဥစ္ဆေဒဒိဋ္ဌိ နှစ်ပါးသာလျှင် ရှိပေသည် ။ကမ္ဘ္ဘာလော
က၌ အယူဝါဒတီထွင်ကြသူများသည် ဝါဒအသစ်၏
အမည်နာမကို မည်သို့ပင်ကင်ပွန်းတပ် စေကာမူ
သဿတဒိဋ္ဌိနှင့်ဥစ္ဆေဒဒိဋ္ဌိ အတွင်းမှမလွတ်ကင်းနှိုင်
ကြပေ ။
( ၃ )
သဿတဒိဋ္ဌိနှင့်ဥစ္ဆေဒဒိဋ္ဌိ ကိုအတန်ငယ်ချဲ့၍မကျဉ်း
မကျယ် ဖြင့်မြတ်စွာဘုရားသည် ဒိဋ္ဌိအမျိုးပေါင်း
၆၂-ပါးကို သီလက္ခန်ပါဠိတော်၌အဓိပ္ပါယ်နှင့်တကွ
သရုပ်ထုတ်ကာဟောကြားတော်မူသည် ဟုဆိုပါ
သည် ။ယင်းဒိဋ္ဌိ ၆၂-ပါးတွင် ဥစ္ဆေဒဒိဋ္ဌိ ၇-ပါးနှင့်
သဿတဒိဋ္ဌိ ၅၅-ပါး ပါဝင်ပါသည် ။
( ၄ )
သတ္တလောကကြီးတစ်ခုလုံး၌ ဖြစ်ပွားပေါ်ပေါက်ခဲ့
သော အယူဝါဒများ လက်ရှိကျင့်သုံးနေသည့်အယူ
ဝါဒများ နောင်တွင်ထပ်မံဖြည့်စွက်မည့်အယူဝါဒမှန်
သမျှသည် မိစ္ဆာဒိဋ္ဌိ ၆၂-ပါး၌သာအကျုံးဝင်ပါသည်။
တစ်နည်း ဥစ္ဆေဒဒိဋ္ဌိ နှင့် သဿတဒိဋ္ဌိ နှစ်ပါး၌သာ
အကျုံးဝင်ပါသည် ။တစ်နည်း သက္ကာယဒိဋ္ဌိ နှစ်ဆယ်
၌သာလျှင်အကျုံးဝင်ပါသည် ။
( ၅ )
မိစ္ဆာဒိဋ္ဌိသည် အစိတ်အစိတ်အားဖြင့် အမည်နာမ
အားဖြင့် မရေမတွက်နှိုင်အောင်ပင် များပြားလှသော်
လည်း ခန္ဓာငါးပါးနှင့် စပ်၍သာ တစ်နည်း ရုပ်တရား
နာမ်တရား နှစ်ပါးနှင့်စပ်၍သာ ဖြစ်ပွားပေါ်ပေါက်လာ
ရခြင်းဖြစ်ပါသည် ။သို့ဖြစ်ရာ ခန္ဓာငါးပါးနှင့် စပ်၍ဖြစ်
သော သက္ကာယဒိဋ္ဌိကို စနစ်တကျလေ့လာသိရှိထား
ဖို့မဖြစ်မနေလိုအပ်သည်ဟုသာဆိုရပါမည် ။အခြား
အခြားသော သိမှတ်ဖွယ်ရာများကိုလည်း စွမ်းနှိုင်သ
မျှလေ့လာခြင်းအားဖြင့် အသိဉာဏ်၏ သန့်ရှင်းစင်
ကြယ်၍ရင့်ကျက်မှု့ကိုဖြစ်စေနှိုင်ပါသည် ။

အခြေအနေအရ အလျဉ်းသင့်သလို ဖော်ပြသွားရန်
ရည်ရွယ်ချက်ရှိပါသည် ။သက္ကာယဒိဋ္ဌိအကြောင်းကို
ဆက်လက်ဖော်ပြသွားပါမည် ။
မှတ်ချက်။   ။ပါဠိအကိုးအကားများကို ရေးသားဖော်
ပြရာတွင်မှားယွင်းမည်စိုးသည်ကတစ်ကြောင်း ဖတ်မှတ်သူများ
အဆင်မပြေဖြစ်နှိုင်သည် တို့ကြောင့် ချန်လှပ်ခဲ့ပါ
သည် ။    ။

The Middle Way.01

ပုထုဇဉ်နှစ်မျိုး
----------------
မဇ္ဈိမခရီးစဉ်(၁)
•••••••••••••
ကိစ္ဆော မနုဿပဋိလာဘော ၊ကိစ္ဆံ မစ္စာန ဇီဝိတံ၊
ကိစ္ဆံ သဒ္ဓမ္မဿဝနံ ၊ကိစ္ဆော ဗုဒ္ဓါနမုပ္ပါဒေါ ။

လူအဖြစ်ကိုရခြင်းသည်ခဲယဉ်း၏။သတ္တဝါတို့၏အ
သက်ရှည်ခြင်းသည်ခဲယဉ်း၏။သူတော်ကောင်းတ
ရားကိုနာကြားရခြင်းသည်ခဲယဉ်း၏။ဘုရားရှင်တို့ပွင့်
ထွန်းပေါ်ပေါက်လာရခြင်းသည်ခဲယဉ်း၏ ။
ဓမ္မပဒ။၁၈၂ ။

ပုထုဇဉ်
*****
ဒုဝေ ပုထုဇ္ဇနာ ဝုတ္တာ ၊ဗုဒ္ဓေနာဒိစ္စ ဗန္ဓုနာ ။
အန္တော ပုထုဇ္ဇနော ဧကော ၊ကလျာဏေကော
ပုထုဇ္ဇနော ။(အဋ္ဌကထာ)

နေမင်း၏ အနွယ်ဖြစ်တော်မူသော မြတ်စွာဘုရား
သည် နှစ်ယောက်ကုန်သော ပုထုဇဉ်တို့ကိုဟော
တော်မူအပ်ကုန်၏ ။

-အန္တောပုထုဇ္ဇနော ဧကော ။ပညာမျက်စိကန်းသော
အန္ဓပုထုဇဉ်လည်းတစ်ယောက် ။

-ကလျာဏေကော ပုထုဇ္ဇနော ။ပညာမျက်စိကောင်း
သော ကလျာဏပုထုဇဉ်လည်းတစ်ယောက် ။

အန္ဓပုထုဇဉ်လက္ခဏာ
***************
ယဿ ခန္ဓ ဓာတု အာယတန ပစ္စယကာရ သတိ
ပဋ္ဌာနာ ဒီသု ဥဂ္ဂဟပရိပုစ္ဆာဝိနိစ္ဆယရဟိတတ္တာ ဒိဋ္ဌိ
ပဋိသေဓကော နေဝအာဂမော ။(အဋ္ဌကထာ)

အကြင်ပုဂ္ဂိုလ်အား-
( ခန္ဓ ဓာတု အာယတန ပစ္စယကာရ သတိပဋ္ဌာနာ
ဒီသု )
ခန္ဓာတရား ၊ဓာတ်တရား၊အာယတနတရား ၊ပဋိစ္စ
သမုပ္ပါဒ်တရား ၊သတိပဋ္ဌာန်တရား ၊စသည်တို့၌ ။

( ဥဂ္ဂဟပရိပုစ္ဆာဝိနိစ္ဆယရဟိတတ္တာ )
ပါဠိကိုအစွဲအမြဲရခြင်း ၊အနက်ကိုဆွေးနွေးခြင်း ၊
ဆုံးဖြတ်ရှင်းလင်းနှိုင်ခြင်းမှ ကင်းသည်၏ အဖြစ်
ကြောင့် ။

( ဒိဋ္ဌိပဋိသေဓကော )
မိမိသန္တာန်၌ရှိနေသော သက္ကာယဒိဋ္ဌိတရားကိုတား
မြစ်ပယ်ဖျက်နှိုင်သော ။

(အာဂမော)
အဘိဓမ္မာ ၊သုတ္တန် ကျမ်းဂန် နှုတ်ငုံလေ့ကျက်
ဆောင်ရွက်ရရှိသော ပါဠိတရားသည် ။

(နေဝအတ္ထိ) မရှိ ။(သော) ထိုပုဂ္ဂိုလ်ကို ။( အဿုတ
ဝါ ဣတိ ) သုတဗုဒ္ဓိ ဉာဏ်မျက်စိမှကင်းသော အန္ဓ
ပုထုဇဉ်ဟူ၍ ။ (ဉေ ယျော ) သိအပ်၏ ။

ကလျာဏပုထုဇဉ်
*************
ခန္ဓာငါးပါး ၊အာယတန ၁၂-ပါး ၊ဓာတ် ၁၈-ပါး ။
ပါဠိဘာသာအတိုင်းသရုပ်ကွဲစွဲမြဲခြင်းဟူသော-
ဥဂ္ဂဟ ။

မိမိတို့ဘာသာစကားနှင့်နေရာတကျပြ၍ပြောနှိုင်
ခြင်းဟူသော- ပရိပုစ္ဆာ ။

ကိုယ်တွေ့ဒိဋ္ဌိဟူသော- ဥဒါဟရုဏ် လည်းကောင်း ။

ထင်မြင်နှိုင်ရန် ပုံသဏ္ဍာန်ဟူသော- ဥပမာလည်း
ကောင်း ။

ဤသို့-တစ်ခုတစ်ခုသောဓာတ်၌ ဥဒါဟရုဏ် ပုံသက်
သေ သာဓက တို့တကွနှင့် နေရာတကျ ပြောဆိုနှိုင်
ခြင်းဟူသော- ဝိနိစ္ဆယ ။

ဤသို့-ဥဂ္ဂဟ ပရိပုစ္ဆာ ဝိနိစ္ဆယ သုံးပါးတို့ဖြင့် ခန္ဓာတ
ရား၌ ဉာဏ်မျက်စိပေါက်ပြီးသူ ။

အာယတန ဓာတ် တို့၌ ဉာဏ်မျက်စိပေါက်ပြီးသူ ။

ပဋိစ္စသမုပ္ပါဒ် အင်္ဂါ ၁၂-ပါးတို့၌ ဉာဏ်မျက်စိပေါက်
ပြီးသူ ။

သတိပဋ္ဌာန်လေးပါး ၊ဣဒ္ဓိပါဒ်လေးပါး ၊ဣိနြေ္ဒငါးပါး ၊
ဗိုလ်ငါးပါး ၊ဗောဇ္ဈင် ၇-ပါး ၊မဂ္ဂင်ရှစ်ပါး ၊ဟူသော
ဗောဓိပက္ခိယတရား ၃၇-ပါးတို့၌ ကွဲပြားရှင်းလင်းစွာ
ဉာဏ်မျက်စိပေါက်သောသူ ။

( ကလျာဏပုထုဇဉ်ကို ကျမ်းဂန်တို့၌ စူဠသောတာ
ပန် ဟုလည်းဆိုသည်။)

( ဓမ္မ-အက္ခိ )တရားမျက်စိ-ဉာဏ်မျက်စိ ရှိသောသူ
ကို ကလျာဏပုထုဇဉ် ဟုခေါ်၍ ----

တရားမျက်စိ-ဉာဏ်မျက်စိ မရှိသောသူကို အန္ဓပုထု
ဇဉ်ဟုခေါ်သည် ။----

ဤကား လယ်တီဆရာတော်၏ ဥတ္တမပုရိသဒီပနီ
၌ ဖော်ပြသော ပုထုဇဉ်နှစ်မျိုး ဖြစ်ပါသည် ။

ပုထုဇဉ်နှစ်မျိုး
**********
၁။သက္ကာယဒိဋ္ဌိအားကြီးစွာဖြစ်သောပုထုဇဉ် ။
၂။သက္ကာယဒိဋ္ဌိအားကြီးစွာမဖြစ်သောပုထုဇဉ် ။
(ယင်းနှစ်မျိုးတွင် သက္ကာယဒိဋ္ဌိအားကြီးစွာဖြစ်သော
ပုထုဇဉ် ပုဂ္ဂိုလ်တို့သည် ကြောက်ရွံ့ခြင်း ကင်း၍ အ
လွန်ရဲဝံ့ကြကုန်၏ ။ယင်းသို့မကြောက်ရွံ့ကြခြင်းသည်
ယင်းပုထုဇဉ် သတ္တဝါတို့ သန္တာန်၌ သက္ကာယဒိဋ္ဌိအား
ကြီးခြင်း ၊ထောင်လွှားမှု့မာန်မာနအားကြီးခြင်း ၊ယင်း
သက္ကာယဒိဋ္ဌိ ၊မာန တို့ကိုမှီ၍ ပြင်းစွာတွေဝေခြင်းမော
ဟ စသည်တို့ ကိန်းဝပ်တည်ရှိနေခြင်းကြောင့်ဖြစ်၏။)

အန္ဓပုထုဇဉ်ပုဂ္ဂိုလ်
*************
ခန္ဓာ ။အာယတန ။ဓာတ် ။သစ္စာ ။ပဋိစ္စသမုပ္ပါဒ် ။
သတိပဋ္ဌာန် ။စသည်တို့ကို သင်ယူခြင်း မေးမြန်းခြင်း
မရှိသည်ဖြစ်၍ လုံးဝမသိနားမလည်သော ပုဂ္ဂိုလ်မျိုး
ကို အန္ဓပုထုဇဉ်ဟုခေါ်သည် ။

ကလျာဏပုထုဇဉ်ပုဂ္ဂိုလ်
*****************
ခန္ဓာ ။အာယတန ။ဓာတ် ။သစ္စာ ။ပဋိစ္စသမုပ္ပါဒ် ။
သတိပဋ္ဌာန် ။စသည်တို့ကို သင်ယူခြင်း မေးမြန်းခြင်း
ရှိသည်ဖြစ်၍ တတ်သိနားလည်သော ပုဂ္ဂိုလ်မျိုးကို
ကလျာဏပုထုဇဉ်ဟုခေါ်သည် ။
(အဘိ ။ဋ္ဌ ။၁ ။၃၈၃ ။)

အန္ဓပုထုဇဉ်ပုဂ္ဂိုလ်များသည် သက္ကာယဒိဋ္ဌိမှ မလွတ်
ကင်းနှိုင်သူများဖြစ်ကြသည် ။

ယင်းပုဂ္ဂိုလ်တို့သည် ဘုရားအစရှိသော အရိယာသူ
တော်ကောင်းတို့၏ တရားကိုကျင့်သုံးဖို့ မဆိုထားနှင့်
ကြားမျှမကြားဖူးသူများဖြစ်ကြသည့် အလျောက်----
ခန္ဓာငါးပါးကို အတ္တ(ငါ)ဟူ၍၄င်း----
အတ္တ(ငါ)ကို ခန္ဓာငါးပါးဟူ၍၄င်း----
အတ္တ(ငါ)၌ ခန္ဓာငါးပါးရှိ၏ဟူ၍၄င်း----
ခန္ဓာငါးပါး၌ အတ္တ(ငါ)ရှိ၏ဟူ၍၄င်း-----
အလွဲလွဲအချော်ချော် ရှု့မြင်ကြသူများဖြစ်ကြ၍
သက္ကာယဒိဋ္ဌိမှ မလွတ်ကင်းနှိုင်သူများဖြစ်ကြသည်။

ကလျာဏပုထုဇဉ်ပုဂ္ဂိုလ်များသည် သက္ကာယဒိဋ္ဌိမှ
လွတ်ကင်းနှိုင်သူများဖြစ်ကြသည် ။

ကလျာဏပုထုဇဉ်ပုဂ္ဂိုလ်များသည် ခန္ဓာငါးပါးကို အ
ရိယာလမ်းစဉ် သမ္မာဒိဋ္ဌိဉာဏ်ဖြင့် အမှန်အတိုင်း
ဉာဏ်သက်ဝင် ရှု့မြင်သူများဖြစ်ကြ၍ သက္ကာယဒိဋ္ဌိ
မှ လွတ်ကင်းနှိုင်သူများဖြစ်ကြသည် ။

ခန္ဓာငါးပါးတို့၌ ဟုတ်တိုင်းမှန်စွာသိမှု့ ဝိဇ္ဇာ(အမောဟ)
တည်းဟူသောအလင်းရောင်ကိုရကြကုန်လျှက် မိမိတို့
၏ အတ္တ(ငါ)ကောင်းစားရေး အတွက်မဟုတ်တော့ပဲ
ခန္ဓာငါးပါးချုပ်ရာ ဒုက္ခကုန်ရာ နိဗ္ဗာန်ကို မျှော်မှန်း၍
ဒါနစသောကောင်းမှု့ကံတို့ကိုပြုလုပ်ကြကုန်၏ ။

သို့ဖြစ်၍ လောကမှထွက်မြောက်ရာ နိဗ္ဗာန်သို့ဆိုက်
ရောက်လိုကြသော သူသူငါငါ ဟူသမျှတို့သည် ၊သံ
သရာခရီး၌ လမ်းမှန်စွာသွားတတ်သော ကလျာဏ
ပုထုဇဉ် ဖြစ်ဖို့ရန် အလွန်အရေးကြီးလှပေသည် ။

ယ္ခုကာလ ဗုဒ္ဓမြတ်စွာသာသနာနှင့် ကြုံကြိုက်နေချိန်
ဝယ် ခန္ဓာ ၊အာယတန ၊ဓာတ် ၊သစ္စာ ၊ပဋိစ္စသမုပ္ပါဒ် ၊
သတိပဋ္ဌာန်စသည်တို့၏ အမည်နှင့်အဓိပ္ပါယ်ကို သို့
မဟုတ် ရုပ်နာမ် နှစ်ပါး အကြောင်း ရှင်းလင်းကွဲပြား
စွာ သိရှိနားလည်တတ်ကျွမ်းအောင် အဘိဓမ္မာအရာ
၌ ကျွမ်းကျင်တတ်မြောက်နားလည်သော ပညာရှိတို့
အထံ ရိုသေစွာဆည်းကပ်လျှက် သင်ကြားနာယူမှတ်
သားကာ ကလျာဏပုထုဇဉ် ဖြစ်ရေးကို လက်မနှေး
သင့် ၊လျှင်မြန်စွာပြုလုပ်ဆောင်ရွက်သင့်လှသည် ။

ဝိဘဇ္ဇဝါဒ

ဝိဘဇ္ဇဝါဒ
*******
ဝိဘဇ္ဇဝါဒ ကိုမကြာမကြာ ကြားဖူးကြပါလိမ့်မည်။
သို့သော်ဘာကိုဆိုလိုမှန်းတိတိကျကျသိဖို့ခက်၏။
ခွဲခြမ်းစိတ်ဖြာ၍ဝေဖန်ပိုင်းခြားသောဝါဒဟုသိကြ၏။

လက်လှမ်းမီသမျှရှာဖွေ၍အကျဉ်းအားဖြင့်ဝေငှလိုက်
ပါသည်။အသိပညာဝေငှ-(Share) လုပ်ခြင်းပင်ဖြစ်ပါ
သည်။

ဆရာကြီးဦးဌေးအောင်၏
ဗုဒ္ဓဒေသနာနှင့်သိပ္ပံပညာ ၌ ဝိဘဇ္ဇနည်း အဖြစ်
၁။နှိုက်နှိုက်ချွတ်ချွတ်လေ့လာကြ
(Inquiring mind)
၂။ခွဲခြမ်းစိတ်ဖြာကြည့်ကြ
(Analytical mind)
၃။အရင်းအမြစ်ရောက်အောင်စူးစမ်းကြ
(Penetrating mind)
ဟူ၍ရေးသားဖော်ပြပါသည်။

သုဘလုလင် ကို မြတ်စွာဘုရား မိန့်ကြားပုံမှာ-

ဝိဘဇ္ဇဝါဒေါ ခေါ အဟမေတ္ထ မာဏဝ နာဟမေတ္ထ
ဧကံသဝါဒေါ ။ဖြစ်ပါတယ်။

သုဘလုလင် ဒီနေရာမှာ ငါက ဝိဘဇ္ဇဝါဒ အတိုင်း
ခွဲခွဲခြားခြားပြောမယ်။န ဧကံသဝါဒ တရားသေတစ်
ဖက်စောင်းနင်း မပြောဆိုဘူး။ဆိုပြီး မှားတဲ့အကျင့်
ကိုမချီးမွမ်း မှန်တဲ့အကျင့်ကို ချီးမွမ်းတော်မူပါတယ်။

အင်္ဂုတ္ထိုပါဠိတော် ဒသကနိပါတ်
ဝဇ္ဇိယ မာဟိတ သုတ် မှာ မြတ်စွာဘုရား၏ဝါဒကို
နက်ရှိုင်းစွာသိရှိထားတဲ့ ဥပါသကာ ဝဇ္ဇိယမာဟိတ
က တိတ္ထိတွေကို ဝိဘဇ္ဇဝါဒ အကြောင်းပြောပါတယ်။

ဂါရယှံ ခေါ ဘန္တေ ဘဂဝါ ဂရဟတိ ပသံသိတဗ္ဗံ
ပသံသတိ။ဂါရယှံ ခေါ ဘန္တေ ဘဂဝါ ဂရဟန္တော ပသံသိတဗ္ဗံ ပသံသန္တော ဝိဘဇ္ဇဝါဒေါ ခေါ ဘန္တေ
ဘဂဝါ န ခေါ ဧကံသဝါဒေါ။

အရှင်တို့ ကျွနုပ်တို့ မြတ်စွာဘုရားသည် ကဲ့ရဲ့ထိုက်
သောအကျင့် ကဲ့ရဲ့ထိုက်သော ပုဂ္ဂိုလ်ကို ကဲ့ရဲ့တော်
မူ၏။ချီးမွမ်းထိုက်သောအကျင့် ချီးမွမ်းထိုက်သော
ပုဂ္ဂိုလ်ကို ချီးမွမ်းတော်မူ၏။
ဝိဘဇ္ဇဝါဒေါ-ခွဲခြမ်းစိတ်ဖြာပြောဟောလေ့ရှိ၏။န ခေါ
ဧကံသဝါဒေါ-တရားသေတစ်ဖက်စောင်းနင်းပြောဆို
တော်မမူ။

အဲဒီလိုပြောဆိုခဲ့တဲ့ ဝဇ္ဇိယမာဟိတ ကို မြတ်စွာဘုရား
က  "သာဓု-သာဓု ဝဇ္ဇိယမာဟိတ"ကောင်းတယ်
ကောင်းတယ် ဝဇ္ဇိယမာဟိတ လို့ချီးမွမ်းတော်မူပါတယ်။

ဝိသုဒ္ဓိမဂ် မဟာဋီကာ မှာ
ဝိဘဇ္ဇ သဿတုစ္ဆေဒေ ဥဘော အန္တေ အနုပဂမ္မ
မဇ္ဈိမပဋိပဒါဘူတဿ ပဋိစ္စသမုပ္ပါဒဿ ဒေသနတော
ဘဂဝါ တဒနုဝါဒတော တဿ သာဝကာ စ
ဝိဘဇ္ဇဝါဒီနော ။

သဿတဝါဒ ဥစ္ဆေဒဝါဒ တို့ကို ခွဲခြားဝေဖန်စီစစ်၍
ယင်းဝါဒနှစ်ပါးသို့ မကပ်ရောက်ပဲ အလယ်အလတ်
လမ်းစဉ် ပဋိစ္စသမုပ္ပါဒ်ကိုဟောပြောလေ့ရှိသောကြောင့်
မြတ်စွာဘုရားသည်ဝိဘဇ္ဇဝါဒီဖြစ်တော်မူ၍ မြတ်စွာဘု
ရားကဲ့သို့ဟောပြောတတ် ကျင့်သုံးတတ်သော မြတ်
စွာဘုရား၏ တပည့်သားသံဃာတော်များသည်လည်း
ဝိဘဇ္ဇဝါဒီ ပုဂ္ဂိုလ်မြတ်များ ဖြစ်ကြသည်။
ဤကဲ့သို့ ဋီကာဆရာ ရှင်ဓမ္မပါလ၊ ရှင်သာရိပုတ္တ တို့
ဖွင့်ပြတော်မူ ကြပါသည်။
(ဝိသုဒ္ဓိမဂ် ၊မဟာဋီကာ ၊ ၂ ၊ ၂၄၀)

သဿတုစ္ဆေဒဝါဒေ ဝိဘဇ္ဇ ဝဒန္တိ ။
အတ္တနှင့်လောကမြဲသည်ဟုယူဆသော သဿတဝါဒ
သတ္တဝါ သေဆုံးလျှင် ပြတ်သည် ဟုယူဆသော
ဥစ္ဆေဒဝါဒ တို့မှားယွင်းကြောင်း အမျိုးမျိုးဝေဖန်ဆန်း
စစ်၍ မဇ္ဈိမပဋိပဒါ ကိုဟောပြောညွှန်ပြတော်မူသဖြင့်
လည်း ဝိဘဇ္ဇဝါဒဟူ၍ ဆိုရပါသည်။

ဆရာကြီး ဦးရွှေအောင်၏  အတ္တဝါဒမှအနတ္တဝါဒသို့
တွင် ဝိဘဇ္ဇဝါဒကို ဤသို့ဆို၏။
ဝိဘဇ္ဇဝါဒဆိုသည်မှာ ကြောင်းကျိုးဆက်သွယ်မှု့ကို
ခွဲခြား၍ယူသောဝါဒဖြစ်၏။အမှန်အားဖြင့် ဝိဘဇ္ဇဝါဒ
သည် ပဋိစ္စသမုပ္ပါဒ်ပင်ဖြစ်ပါသည်။

အကြောင်းအကျိုးဆက်သွယ်မှု့၌အချင်းချင်းသန္တာန်
တူမှု့ကို "ဧကတ္တ" ဟုခေါ်၏။
အချင်းချင်း သဘောလက္ခဏာ ခြားနားမှု့ကို "နာနတ္တ"
ဟုခေါ်၏။
ဖန်ဆင်းမှု့ဟူ၍မရှိပဲ ဓမ္မတို့၏ သဘောအလျှောက် ဖြစ်
ပေါ်လာမှု့ကို "အဗျာပါရ" ဟုခေါ်၏။
အကြောင်းနှင့် အကျိုး လိုက်လျောညီထွေရှိမှု့ကို
"ဧဝံဓမ္မတာ" ဟုခေါ်၏။

ဝိဘဇ္ဇဝါဒသည် ဧကတ္တ ။နာနတ္တ ။အဗျာပါရ ။ဧဝံဓမ္မတာ။
ဟူသော သတ်မှတ်ချက် အင်္ဂါလေးရပ်နှင့်ပြည့်စုံရ၏။

အကျဉ်းချုပ်ဆိုရလျှင် လမ်းစဉ်နှင့်ပန်းတိုင်နှစ်မျိုးရှိ
သည့်အနက် လမ်းစဉ်ကိုသာ အဓိကထားပြီး ပန်း
တိုင်ကိုအဓိကမထားသော ဝါဒကို အကျိုးပယ်ဝါဒ
(နတ္ထိကဒိဋ္ဌိ)ဟုခေါ်ပါသည်။

ပန်းတိုင်ကိုသာ အဓိကထားပြီး လမ်းစဉ်ကိုအဓိကမ
ထားသော ဝါဒကို အကြောင်းပယ်ဝါဒ(အကြိယဒိဋ္ဌိ)
ဟုခေါ်ပါသည်။

လမ်းစဉ်ရော ပန်းတိုင်ရော နှစ်မျိုးစလုံးကိုပင် အဓိက
မထားပဲ သက်ဦးဆံပိုင်သဘော ပရမ်းပတာ ဆောင်
ရွက်တတ်သော ဝါဒကို အကြောင်းအကျိုးပယ်ဝါဒ
(အဟေတုကဒိဋ္ဌိ)ဟုခေါ်ပါသည်။

ဝိဘဇ္ဇဝါဒကား အကြောင်းနှင့်အကျိုးနှစ်မျိုးစလုံးကို
ပင် ရှု့ထောင့်အလိုက် သူ့နေရာနှင့်သူအဓိကထား
သည့်ဝါဒ(သမ္မာဒိဋ္ဌိ)ဖြစ်ပါသည်။     ။

ဗုဒ္ဓဝါဒသည် ကမ္မဝါဒ ။အနတ္တဝါဒ ။နိဗ္ဗာန်လမ်းပြဝါဒ။
အစရှိသဖြင့် ပြောဆိုမှု့များသည် ပြည့်စုံသည်ဟုမ
ဆိုနှိုင်ပါ။သူ့နည်းသူ့ဟန်သူ့ရှု့ထောင့်မှတစ်စိတ်
တစဒေသ မှန်သော်လည်းပြည့်စုံမှု့မရှိပါ။

ဗုဒ္ဓဝါဒကိုတစ်ခွန်းတည်းမှန်ကန်စွာပြောဆိုမည်ဆို
လျှင် "ဝိဘဇ္ဇဝါဒ" ဟုသာပြောဆိုရမည်ဖြစ်ပါသည်။

နှစ်သစ်

နှစ်သစ် မှာ မင်္ဂလာ ရှိစေချင်
**********************
မကြာမီနှစ်ဟောင်းကုန်ဆုံးတော့မည်။
မကြာမီနှစ်သစ်သို့ရောက်ပါတော့မည်။

#အသက် တစ်နှစ်ကြီး သွားပါသည်။
#အရွယ် တစ်နှစ်စာ အိုသွားပါသည်။
#အသက်တမ်း တစ်နှစ် လျော့သွားပါသည်။
#ဘာတွေဖြစ်ခဲ့သည်ကိုသိသလိုလိုရှိသည်။
#ဘယ်လိုတွေဖြစ်သည်ကိုသိသလိုလိုရှိသည်။
#ဘာတွေကြောင့်ဖြစ်သည်ကို သိသလိုလိုရှိသည်။
#ဘာတွေဖြစ်လာဦးမည်ကိုမသိပါ။

်သေချာတာတစ်ခုရှိပါသည်။၁၃၇၅-ခုနှစ်ကတော့
ဘယ်သောအခါမှပြန်လာတော့မည်မဟုတ်သဖြင့်
၁၃၇၅-ခုနှစ်ကို မိမိတို့ နောက်တစ်ဖန် စီမံခန့်ခွဲ၍
မရနှိုင်တော့ပါ။  

၁၃၇၅-ခုနှစ်သည်အတိတ်ဖြစ်သွားပါသည်။
၁၃၇၅-ခုနှစ်သည်သမိုင်းဖြစ်သွားပါသည်။
၁၃၇၅-ခုနှစ်သည်သင်ခန်းစာဖြစ်သွားပါသည်။
၁၃၇၅-ခုနှစ်သည်အတွေ့အကြုံဖြစ်သွားပါသည်။
 
၁၃၇၅-ခုနှစ်သည် ကုန်ဆုံးသွားပါသည်။
သို့သော်-အချိန်သည် ကုန်ဆုံးမသွားပါ။
အချိန်ကိုရင်ဆိုင်ရပါဦးမည်။
အချိန်ကိုနောက်ထပ် ဘယ်၍ဘယ်မျှရင်
ဆိုင်ရဦးမည်ကို မသိပါ။
အချိန်ကိုနားလည်သလိုလိုရှိသည်။
သို့သော် အချိန်ကို မသိပါ။
အချိန်ကိုသိသလိုလိုရှိသည်။
သို့သော်အချိန်ကို နားမလည်ပါ။

တစ်လက္မ တစ်ပေ တစ်ကိုက် တစ်မိုင် စသည်တို့
သည် အလျားမဟုတ် အနံမဟုတ် အမြင့်(ထု)
မဟုတ် ပမာဏများ အရွယ်အစားတန်ဖိုးများသာ
ဖြစ်ကြသည်။

တစ်စက္ကန့် တစ်မိနစ် တစ်နာရီ တစ်ရက် တစ်လ
တစ်နှစ် စသည်တို့သည် အချိန်မဟုတ်အချိန်၏
ပမာဏများ အချိန်၏ အမှတ်အသားများသာဖြစ်
သည်။အချိန်သည် မည်သည့်အရာပေနည်း။

                      ( က )
အချိန်သည် အတိတ်မှပစ္စုပ္ပန် ၊ပစ္စုပ္ပန်မှအနာဂါတ်
တောက်လျောက် ခရီးနှင်နေသည်။အချိန်ကိုရပ်တန့်
၍မရ ၊ရပ်တန့်ဖို့ မဖြစ်နှိုင်။ အချိန်သည် မည်သည့်
အရာကိုမျှ မှီခိုမှု့မရှိပဲ လွတ်လပ်စွာခရီးနှင်နေသည်။
အချိန်သည် ပကတိ ဖြစ်သည်။အချိန်သည် သက်ရှိ
သက်မဲ့အရာအားလုံးကို ဝါးမျိုဖျက်ဆီးပြစ်သည်။

ဤအမြင်သည် အရပ်ဖက် အမြင်ဖြစ်သည်။
ဤအမြင်သည် လူများစု၏ အမြင်ဖြစ်သည်။
ဤအမြင်သည် သမားရိုးကျ အမြင်ဖြစ်သည်။

                    ( ခ )
အချိန်သည် နှိုင်းရ ဖြစ်သည်။အချိန်သည်စန့်ထွက်
နှိုင်သည်။အချိန်သည် ကိုယ်ပိုင် အချိန် နှင့် နှိုင်းရ
အချိန် နှစ်မျိုးရှိသည်။အချိန်သည် ရွေ့လျားနှုန်း
(အလျှင်)ကိုမှီခိုရသည်။အချိန်သည် အရာဝတ္ထုတိုင်း
အတွက် ပကတိ မဟုတ် နှိုင်းရဖြစ်သည်။
      
ရှု့မှတ်သူနှင့် ရှု့မှတ်ခံ၏ နှိုင်းရ အလျှင်သုည အခြေ
အနေ၌သာ ရှု့မှတ်ခံ၏ အချိန်နှင့် ရှု့မှတ်သူ ၏
အချိန်တို့တူညီမှု့ရှိနှိုင်သည်။

ရှု့မှတ်ခံ နှင့် ရှု့မှတ်သူ ၏ နှိုင်းရအလျှင်သည် တစ်
စက္ကန့်လျှင် ကီလိုမီတာ နှစ်သိန်း ခြောက်သောင်း
ဖြစ်လျှင် ရှု့မှတ်ခံ၏ အချိန်သည်ရှု့မှတ်သူ၏အချိန်
ထက်နှစ်ဆပိုကြာသည်။(photo-တွင်ကြည့်ပါ)

ဆိုလိုသည်မှာ ရှု့မှတ်သူ၏အချိန်ကုန်ဆုံးသွားသော်
လည်း ရှု့မှတ်ခံ၏ အချိန်သည် တစ်ဝက်သာ ရှိသေး
သည်။အချိန်စန့်ထွက်သည်ဟုဆိုသည်။အချိန်စန့်
ထွက်ခြင်းအကျိုးဟုခေါ်သည်။
(Time delation effect)

ဤအမြင်သည် အိုင်းစတိုင်း၏အမြင်ဖြစ်သည်။
ဤအမြင်သည်ဒီတာမနစ်စတစ်သိပ္ပံအမြင်ဖြစ်သည်။
ဤအမြင်သည်ရီလေတီဗီတီသီအိုရီအမြင်ဖြစ်သည်။
(deterministic science)(relativity theory)
                
                   ( ဂ )
ကရဏံ ကာရော ၊ ကာရော ဧဝ ကာလော။
ကရဏံ-ပြုခြင်း ၊ကာရော-ပြုခြင်း ၊ ကာရော ဧဝ-
ပြုခြင်းသည်ပင် ၊ ကာလော-ကာလမည်၏။
ဤသို့ သဒ္ဒါဆရာတို့ဝိဂြိုဟ်ပြုသည်ဟုဆို၏။

ကာလ ဟူသည် ဖြစ်ခြင်း ပျက်ခြင်း ဟူသော ကြိယာ
ပင်ဖြစ်သည်။ဖြစ်ခြင်း ပျက်ခြင်း၏တည်ရာဖြစ်တတ်
ပျက်တတ်သော အရာဝတ္တုများကို ဒေသ ဟုခေါ်၏။

အကြောင်းတရားများပြည့်စုံညီညွတ်သောအခါ
ခန္ဓာ နာမ် ရုပ် တို့သည် ဖြစ်ပေါ် လာရ ပေသည်။
ခန္ဓာ နာမ် ရုပ် တို့၏ ဖြစ်ခြင်းကြောင့်သာလျှင် အချိန်
သည်ဖြစ်ပေါ်လာရပေသည်။

ခန္ဓာနာမ် ရုပ် တို့ ဖြစ်လျှင်သံသရာဖြစ်သည်။
ခန္ဓာ နာမ်ရုပ် တို့ မဖြစ်လျှင် သံသရာမဖြစ် ။
သံသရာဖြစ်လျှင် အချိန်ဖြစ်သည်။
သံသရာမဖြစ်လျှင် အချိန်မဖြစ်။
သံသရာမှလွတ်လျှင်အချိန်မှလွတ်သည်။
သံသရာမှမလွတ်လျှင်အချိန်မှမလွတ်။
ဤသည်တို့မှာရှု့မှတ်သူတို့၏ ကိုယ်ပိုင်အချိန်များ
ကိုသာဆိုလိုပါသည်။
်
အချိန်သည် သတ္တဝါကိုစား၏။
အချိန်သည် အချိန်ကိုစား၏။
ရဟန္တာသူမြတ်သည် အချိန်ကိုစား၏။  

ကံနှင့်ကိလေသာ သည် ခန္ဓာနာမ်ရုပ်တို့ကိုဖြစ်စေ၏။
ကံနှင့်ကိလေသာ သည် သံသရာကို ဖြစ်စေ၏။
ကံနှင့်ကိလေသာ သည် အချိန်ကို ဖြစ်စေ၏။

အရှင်ဇနကာဘိဝံသ၏ သင်္ဂြိုဟ်ဘာသာဋီကာ၌--
အနုသယကိလေသာသည် ဥပါဒ် ဌီ ဘင် အားဖြင့်
အထင်အရှားမရှိချေ။ဥပါဒ် ဌီ ဘင် အားဖြင့်အထင်
အရှားရှိသောအခါ အနုသယ မဟုတ်။ပရိယုဋ္ဌာန
ကိလေသာဖြစ်ပါသည်။-------
အနု အနု ၊အစဉ်တစိုက်။သန္တာနေ ၊ရုပ်နာမ်ခန္ဓာအ
စဉ်၌ ။သေန္တိ ၊ကိန်းဝပ်တည်နေတတ်ကုန်၏။ဣတိ၊
ထို့ကြောင့်။အနုသယ ၊အနုသယမည်ကုန်၏။

တစ်ဖန် ဆရာကြီးဦးရွှေအောင်၏ အတ္တဝါဒမှအနတ္တ
ဝါဒသို့ တွင် အနုသယ ဟူသည်ထိုထိုပုဂ္ဂိုလ်တို့၏
အဇ္ဈတ္တသန္တာန်၌ အမြဲကိန်းနေသောသဘောဖြစ်ပါ
သည်။ဤနေရာ၌ ကာလ နှင့်ပါတ်သက်၍ အထူးဆို
ရန်ရှိပါသည်။ပရိဏာမီကာလ နှင့် ကူဋဋ္ဌာယီကာလ
ဟူ၍နှစ်မျိုးရှိပါသည်။

ပရိဏာမီကာလသည် ဖြစ်တည်ပျက် သဘောနှင့်
ယှဉ်သဖြင့် အတိတ် ပစ္စုပ္ပန် အနာဂါတ် ဟူ၍အပိုင်း
အခြားပြုကောင်းသော ကာလ ဖြစ်ပါသည်။

ကူဋဋ္ဌာယီကာလကို ထာဝရပစ္စုပ္ပန် ဟူ၍လည်းဆို
ပါသည်။ဘာဝမုခ ဟူ၍ အဖြစ်တရားတို့၏ နှုတ်ခမ်း
ဝ ဟုလည်းဆိုပါသည်။

ပရိဏာမီကာလဖြင့် ပရိယုဋ္ဌာနကိလေသာကိုတိုင်း
တာနှိုင်ပါသည်။ကူဋဋ္ဌာယီကာလဖြင့် အနုသယကိ
လေသာကိုတိုင်းတာနှိုင်ပါသည်။ထို့ကြောင့် ပရိယု
ဋ္ဌာနကိလေသာသည် သတ္တဝါတို့၏ သန္တာန်၌အမြဲ
မရှိသောကိလေသာဖြစ်၍ အနုသယကိလေသာ
သည် သတ္တဝါတို့၏ သန္တာန်၌ ထာဝရပစ္စုပ္ပန်အနေ
ဖြင့် အမြဲရှိသောကိလေသာဖြစ်ပါသည်။

သံသရာဆိုသည်ကား---
တစ်ယောက်တစ်ယောက်သော သတ္တဝါဟု ခေါ်ဝေါ်
အပ်သော ခန္ဓာ ,အာယတန ,ဓာတ် ,တို့၏ အနမတဂ္ဂ
သံသရာ ကာလ၌ ဘဝအဆက်ဆက် ကမ္ဘာအဆက်
ဆက်အားဖြင့် မပြတ်မလပ် ဆက်လက်ဖြစ်ပွားလျှက်
နေသော အစဉ်သည် သံသရာမည်၏။
(လယ်တီနိဗ္ဗာန်-မှ)                                       

သံသရာဆိုသည် မှာ အစမထင်သည့်အလွန်ရှည်
လျားလှသော အဓွန့် ရှိသည့် ကာလ ဖြစ်သည်။
ိ
နှစ်သစ်ကူး ဆုတောင်း-----
နှစ်ဟောင်းကုန်၍ နှစ်သစ်ကူးလျှင် တစ်ဦးချင်းဖြစ်စေ
အစုလိုက်အဖွဲ့လိုက်ဖြစ်စေ နှစ်သစ်ကူးဆုတောင်း
အဖြစ် မိမိ၊မိမိတို့ဆန္ဒရှိရာဖြစ်လိုသည်များကိုတောင်း
ခံဆန္ဒပြုလေ့ရှိကြသည်။

ဆုတောင်းမှု့ကို အပိုလုပ်ငန်း ဟုအမြင်မရှင်း သူများ
ကယူဆပါသည်။လက်တွေ့ပဓာနဝါဒ သမားများက
လက်တွေ့ကျကျ ဆောင်ရွက်မှု့မှအပ အခြားသော
အရိုအသေပေးခြင်း ဆုတောင်းခြင်း အမျှပေးဝေခြင်း
သာဓုခေါ်ခြင်း စသောလုပ်ငန်းများကိုအပိုအမိုလုပ်
ငန်းများအဖြစ် ရှု့မြင်တတ်လေ့ရှိကြသည်။

ဆုတောင်းခြင်းသည်အပိုလုပ်ငန်းမဟုတ်ပါ။
လုပ်နည်းလုပ်ဟန်မှန်ကန်မှု့ရှိဖို့တော့လိုပါသည်။
နှစ်သစ်ကူးပြောင်းရုံမျှဖြင့် ဆုတောင်းမှု့ ပြုလုပ်ခြင်း
သည်မှန်ကန်မှု့မရှိပါ။

ဆုတောင်းခြင်းအမှု့မပြုမီ ကောင်းမှု့ကိုပြုရပါမည်။
ထိုထိုကောင်းမှု့၏အားလျော်စွာကောင်းကျိုးရရှိမည်
မှာလည်း ဧကန်ပင်ဖြစ်ပေသည်။
မိမိဖြစ်လိုသည် ကို ဆုတောင်း ယူရခြင်းမှာ ထိုထို
ကောင်းမှု့၏ အကျိုးပေး တည်မြဲစေဖို့ နှင့် ဖရိုဖရဲ
မဖြစ်စေဖို့ဖြစ်ပါသည်။

မန္တလေးသို့ရောက်လိုသူသည် မန္တလေးသို့ဦးတည်
သွားဖို့လိုပါသည်။ရန်ကုန်သို့ ရောက်လိုသူသည်
ရန်ကုန်သို့ဦးတည်သွားဖို့လိုပါသည်။

ခရီးသွားသည်ဆိုရုံမျှဖြင့်မိမိရောက်လိုသောပန်းတိုင်
ကိုရောက်မည်မရောက်မည်မှာမသေခြာပေ။
သံသရာခရီးသည် အသွားခက်လှသဖြင့်မရောက်ဖို့
ကပိုများပါလိမ့်မည်။

မည်သူမဆိုမိမိရလိုဖြစ်လိုသောဆုကိုကောင်းမှု့ပြု
ပြီးတိုင်းတောင်းယူနှိုင်သည်။သို့သော်သာသနာတွင်း
သားများအနေဖြင့် ခန္ဓာနာမ်ရုပ် တို့မဖြစ်ရာနိဗ္ဗာန်ကို
သာတောင်းယူသင့်ပေသည်။

နိဗ္ဗာန်ကိုမြင်နှိုင်ရောက်နှိုင်သောကုသိုလ်မှာမုချအား
ဖြင့် မဂ်ကုသိုလ်သာဖြစ်ပါသည်။သို့သော်လည်းနိဗ္ဗာန်
သည် ကုသိုလ်အားလုံးနှင့်အလျော်ဖြစ်သဖြင့်မည်
သည့်ကုသိုလ်ကိုပြုပြုနိဗ္ဗာန်ကိုဆုတောင်းသဖြင့်
လျှင်မြန်စောစွာရနှိုင်ရောက်နှိုင်ပါသည်။

သောက်တော်ရေတစ်ခွက်ကပ်လှူသည့်ကုသိုလ်
ကလည်းနိဗ္ဗာန်အကျိုးကိုပေးနှိုင်ပါသည်။ဆုတောင်း
သောအခါ၌စိတ်ပါလက်ပါဖြစ်ဖို့သာအရေးကြီးသည်။
ထုံးတမ်းစဉ်လာအရဆုတောင်းခြင်းသူတစ်ပါးတိုက်
တွန်းချက်အရဆုတောင်းခြင်းအစရှိသည့်စိတ်အား
မထက်သန်သည့်ဝတ်တရားကျေဆုတောင်းခြင်းကို
စိတ်ထက်သန်လာအောင်ပြုပြင်ပေးဖို့လိုပါသည်။

တစ်ယောက်တစ်ယောက်စီ၏သံသရာထဲတွင်ကုသိုလ်
နှင့်အကုသိုလ်တို့သည်မရေမတွက်နှိုင်လောက်အောင်
်ပင် အလွန့်အလွန်အမြောက်အများ ထာဝရပစ္စုပ္ပန်
အနေဖြင့် ထာဝစဉ်ကပ်လျှက်လိုက်ပါကာ ခဏပစ္စုပ္ပန်
အနေဖြင့်ခန္ဓာ နာမ် ရုပ်များ ကိုတရစပ်အလုအယက်
မရပ်မနားထုတ်လုပ်နေကြပါသည်။

ထာဝရပစ္စုပ္ပန်အနေဖြင့်လိုက်ပါလာသောကမ္မသတ္တိ
များနှင့်အနုသယကိလေသာများမှာခန္ဓာနာမ်ရုပ်တို့
၏အနိစ္စလက္ခဏာဖြစ်သော ဥပါဒ် ဌီ ဘင် (ဖြစ်
တည် ပျက် )သဘောမရှိပဲ ခန္ဓာ နာမ်ရုပ် တို့ကို အ
ကြောင်းအားလျော်စွာ ထုတ်လုပ်ပေးနှိုင်စွမ်း အ
ပြည့်ရှိကြပါသည်။

ကုသိုလ်နှင့်အကုသိုလ် ကမ္မသတ္တိများတွင်ခန္ဓာနာမ်
ရုပ် ကိုထုတ်လုပ်နှိုင်သည့်သတ္တိ( reproductive
power )အပြည့်အဝပါရှိပါသည်။

သို့ဖြစ်သောကြောင့်---
ကုသိုလ်နှင့်အကုသိုလ် ကမ္မသတ္တိများမှာလည်း
အချိန်တန်လျှင်ရင့်မှည့်၍ ခန္ဓာ နာမ် ရုပ်များ ကိုထုတ်
လုပ်ရသည့် ဧကန်ဖြစ်တန်စွမ်းပါရှိနေသဖြင့် အချိန်
မှလွတ်ကင်းသော ကာလဝိမုတ် တရားများမဟုတ်ပဲ
အချိန်မှမလွတ်ကင်းသည့် တရားများသာဖြစ်ပါသည်။

ကုသိုလ်ပင်ဖြစ်သော်လည်း သံသရာဝဋ်အတွင်း၌
အကျိုးပေးမှု့ကိုစိတ်အားထက်သန်မိချေက ခန္ဓာ
နာမ်ရုပ်များဖြစ်ပွားလျှက် ပါရမီကုသိုလ်အားလျော့
၍နိဗ္ဗာန်ခရီးမပေါက်မြောက်ပဲရှိတတ်သည်။နှောင့်
နှေးကြန့်ကြာမှု့ဖြစ်စေတတ်သည်။

ခန္ဓာ နာမ် ရုပ် တို့ဖြစ်ပွားလျှင် အနုသယကိလေသာ
သည် သံသရာဝဋ်လည်စေမည့်ကုသိုလ်နှင့်အကုသိုလ်
ကိုမရပ်မနားအတွင်လုပ်တော့သည်။ဤသို့ဖြင်သံသ
ရာဝဋ်လည်စေမည့် ကံ သစ်များထိန်းမနိုင်သိမ်းမရ
ဖြစ်ပွားကာ ခြာခြာလည်လျှက်သံသရာ့သစ်ငုတ်ဖြစ်
တတ်သည်။

သို့ဖြစ်ရာ-သေးသေးကြီးကြီး မည်သည့်ကုသိုလ်
ကောင်မှု့မျိုးကိုမဆို ပြုလုပ်ပြီးတိုင်း သံသရာမှလွတ်
မြောက်ရာ (သို့) ကာလ ၊ဒေသမှလွတ်မြောက်ရာ
နိဗ္ဗာန် ဆုကြီးကို စိတ်အားထက်သန်စွာတောင်းယူ
သင့်ပါသည်။ပါရမီရင့်ကျက်လာပါကနိဗ္ဗာန်ကိုမလွဲမ
သွေရရှိမည့်အပြင်သံသရာခရီးသွားစဉ်ကာလ၌
လည်းသူတော်ကောင်းဓာတ်ခံအပြည့်ဖြင့်လောကဓံ
ံရှစ်ပါးကိုအနှိုင်ရသူအမြဲဖြစ်နှိုင်ပါသည်။

သုမေဓာ ရှင်ရသေ့သည် သတ္တဝါများကိုသနားတော်
မူသဖြင့် သမ္မာသမ္ဗောဓိ ဆုကိုပန်ဆင်ကာ ပါရမီဖြည့်
ကျင့်ရာ ကာလတစ်လျှောက်လုံး ပြုပြုသမျှသော
ကုသိုလ်များ၏အကျိုးအဖြစ် သမ္မာသမ္ဗောဓိ
ဆုကိုသာရည်မှန်း၍ဆောင်ရွက်တော်မူခဲ့ခြင်းဖြစ်
သည်ကိုသတိမူကြပါကုန်။

#နှစ်သစ်ကူး၌ကောင်းမှု့ပြု၍ ဆုတောင်းတတ်သူများ
ဖြစ်ဖို့ လိုပါသည်။
#ပြုပြီးကုသိုလ်များကိုအာရုံပြု၍ ဆုတောင်းတတ်သူ
များဖြစ်ဖို့ လိုပါသည်။
#သူတစ်ပါးပြု၍အမျှပေးဝေသောကုသိုလ်များကို
သာဓုနုမောဒနာ ခေါ်ဆိုတတ်သူများဖြစ်ဖို့လိုပါသည်။့